Colombina

Cataleya. Bunga yang indah. Bunga kecil yang indah. Tapi juga berduri. Beracun.
Racun itu bersemi dari dalam hatinya. Diawali pembunuhan orang tuanya oleh kartel Kolombia. Ia lari dan berhasil sampai ke Amerika.
Racun dihatinya ia sirami dengan tekad. "Aku ingin jadi pembunuh," katanya pada kerbatnya di Amerika.
Maka jadilah ia bunga yang cantik. Duri dan racunya merenggut musuh-musuhnya. Tanpa ampun, tanpa jejak.
Film yang bisa membawa kita dengan lancar melangkah hingga akhir. Tapi setelah usai kita bisa segera melupakannya. Seperti film dar der dor Hollywood lainnya, isinya dangkal. Tak ada kerumitan hidup, tak ada kedalaman lapis-lapis perasaan.
Tapi bisa saja di dalamnya ada sesuatu untuk direnungkan. Tentang pilihan. Tentang kesungguhan hati. Tentang uniknya hubungan asmara kota besar --begitu fisik, begitu tak mendalam. Tentang kita yang mudah terbuai film seperti ini.(*)
Powered by Telkomsel BlackBerry®

Nunggu Bunda ke Pasar Bukit

Powered by Telkomsel BlackBerry®

Nulis = Kabadian

Cenah nulis teh sabangun jeung kaabadian. Hirup urang ngan sajorelatan. Tapi
ku nulis urang bisa ngebekukeun waktu. Urang bisa nyimpen fragmen-fragmen
kajadian, pamikiran, jeung perasaan dina kotretan, bukaeun jaga atawa bacaeun
batur duka iraha boa dimana.

Nu dipikabutuh kuurang kadang ngan ukur motivasi. Urang butuh dorongan supaya
leukeun ngotretkeun pangalaman, perasaan, jeung pamikiran kana tulisan.
Mindeng motivasi eta hese hadirna. Pedah taya duitna. Atawa teu kaharti saha
nu rek macana.(*)

Pamacu Diri

ukur perlu husu
terus ngotret
ngigelkeun ramo luhureun tuts
teu kudu sieun goreng
teu perlu hayang alus
tina sarebu runtah
piraku taya hiji nu bisa
jadi andelan

ukur butuh nikreuh
ngotretkeun pikiran
nu silih genti datang
tong hanyang dipuji
teu perlu nunggu acungan jempol
pikiran nu liar
boa bisa jadi bongbolongan
hirup pikahareupeun

memang muskil panceg
lengkah pasti ngalaunan
sumanget maruragakan
karudet hirup bisa jadi halangan
tapi nu penting talaten
sapoe sakotret
sapoe sakotret(*)

Jennifer

sampulur awak anjeun
tetep ebreh
basa panon peureum

ukur baju carang
nutupan dada
tanpa hahalang

pikiran recok
silih tempas
jeung napsu
nu ngadadak kasuat

meureun pedah lahir
di peuntas
standar norma-norma
anjeun jadi beda
teu inggis ngamurah-mareh
kahormatan
demi kasuksesan
demi katenaran

naha berharga
naha lana
hubungan nu ukur
didasaran ku birahi(*)

Basa Si Kaka Ngamuk

ceurik aluk-alukan
lumpat bari memerod leungeun
hayang itu hanyang ieu
tue beunang dipungpang teu bisa dicaram
asa teu daya
teu tega nitenan kasedihna
tapi akal sehat teu merean
keur ngelehan
da diri apal pisan
mun kahayangna ditedunan
teu beda jeung ngaliangan bendungan
antukna bakal ambrol
teu katahan
kahayangna murubul
taya eureunna
moal matak mempan pungpangan
jeung panyaram
cuerik aluk-alukan
ampir gogoleran
Keun ah,
paling lila sajam
ngagerentes bari
nguatkeun dada
hampura ayah nya
nu hanyang nyakseni kaka
jadi manusa nu
bisa ngered kahayang(*)

Alak Paul

di antara mega-mega
bodas-bulao
kawaas kumelendang
ngabayang-bayang hirup
nu beda
nu endah
nu merenah
dirungrum cahaya
disimbut katumbiri
dipirig lagu
endah nu mepende
taya kasusah
taya katugenah
boa dimana
boa iraha(*)

Dua

Ya Raab nu kawasa mulak-malik perkara nu nagping ngajaring sakur nu kumelendang mugi pasihan kakuatan supaya campeg ati ngalengkah ka kaler ka kidul supaya teteg pamadegan saban ngahareupan pasualan mugi pasihan pituduh supaya leungeun baham suku jeung ati laluasa milampah sagala mugi dijaring diri tina sagala kasalahan jeung kalemahan tina sagala katuna jeung sifat-sifat teu uni mugi diriksa diri tina sagala bahaya jeung hal-hal nu ngabalukarkeun ilang kahormatan mugia dibukakeun pituduh supaya bengras manah caang pikiran amin (*yt

Powered by Telkomsel BlackBerry®

Ah

Hujan di gurun pasir
Cai sakilat ilang
Diteureuy keusik
Pohara halabhab

Harepan di tanah angar
Binih2 tumuwuh
Dina keukeupan peteng peuting
Terus ilang
Dina hahaneut sarangenge


Powered by Telkomsel BlackBerry®

Ngeunteung

Teu orsinil. Teu miboga daya cipta. Diri teh ukur eunteung heureut. Ukur bisa neruskeun sorot cahaya nu tumiba. Terbatas da diri taya kalega.
Taya daya imaji. Ukur jadi epigon. Jadi meri nu nutur-nutur batur. Taya kreativitas, tuna kalemesan seni.
Loba kakurang. Meureun eta pisan nu ngalantarankeun diri digugulung lamunan. Meureun pedah eta oge ti mangsa ka mangsa pikiran dibangbaluhan kahariwang.
Kurang daya juang. Kakered karisi, kacangcang karempan. Lengkah salawasna regag-regog. Hariwang kaleungitan hal-hal leutik. Teu wani ngareumpak garis.
Kurang sadar diri. Mindeng ngarasa sarua jeung maraehna. Asa salevel jeung nudilaluhur. Standat ditunda luhur teuing. Teu kahontal, teu kataekan.
Teu tumarima. Asa salawasna tuna. Hayang itu hayang ieu. Bari taya daya keur ngudagna. Harepan-harepan dipulasara jadi binih-binih kakuciwa.

Powered by Telkomsel BlackBerry®

Nganteur si Kaka ka Sakola

lebah jandela
seseblakan
nyaksian buah ati
dadaligdeugan nuturkeun
batur-batur sakelasna
kainggis nu kamari
narembongan deui
asa rempan nyawang
jalan tincakan
manehna
pangawakan hengker
taya kahayang
tuna sumanget
boa kumaha
boa kumaha(*)

Mulang ti Lembur

sawah
kebon
tatangkalan
lalumpatan luareun
kaca jandela
tapi kaheneg
teu ingkah
jeroeun dada
kuciwa
hirup bet
masih kakered
ku serab dunya(*)

Terus Ngalengkah

rasa kuciwa maruragan
harepan geus lila
teu diceboran
da kahirupan
terus ngadius
nepakeun rupa-rupa
mamala jeung katugenah
sababaraha kali
nambru
tapi gancang cengkat deui
jumarigjeug
ngalengkah deui
da kahirupan
terus nyemprung
moal enya waktu
ukur dibeakeun
keur mupusti
harepan kosong
moal enya mangsa
ukur dipake balilihan
pedah hirup pinuh
kanalangsa
mending terus ngalengkah
narima nu aya
leupaskeun kahayang
nu ngarobeda katenang
mending terus
hirup
soga cai
palid
nepi ka samudra(*)