Ulin di buruan. Baheula basa kuring masih leutik keneh, istilah eta teh akrab kacida. Unggal poe, mu teu aprak-aprakan ka sawah atawa ka kebon, ulin teh nya sok di buruan. Ngadu kaleci, maen panggal, ngala jambu atawa balimbing. Pokona asa taya bosenna.
Kiwari istilah eta teh ukur tinggal implengan. Kuring sakeluarga hirup di Jakarta. Di kota ieu, tanah heureut imah padempet-dempet. Bororaah aya buruan nu lega. Mu aya oge sakliat pisan bek ku kabutuhan: garasi, nambahan kamar, ngelegaan rohangan tamu.
Pokona kiwari teh burun geus jadi barang langka. Ngan jelema jegud nu bener-bener boga burun lega teh.
Akibatna barudak kuring --sikembar nu ampir opat taun-- mun ulin teh biasana sok menta diajak ka taman. Tapi paling resepeun mah ulin di carrefour jeung giant. Di dua pusat perbelanjaan eta aya areal khusus keur ulin barudak. Mandi bola, poporosotan, imah balon. Pokona matak betah barudak. Unggal poe menta jeung menta deu ke tempat eta.
Atuh kuring nu jadi ketempihan. Beurat di ongkos. Sakali datang teh, minimal beak Rp 50 rebu. Mun sabulan opat kali bae, geus Rp 200 rebu. Dipikir-pikir, kacida bergunana mun bisa ditabung keur biaya sakola manehna.
Tidak ada komentar:
Posting Komentar