Panineungan Afrika Selatan

Antara Johanesberg-cape town
mobil ngadius sapoe jeput
mipir sagara pasir meulah gunung batu

satungtung deuleu ukur gurun
dihias ku gundukan awan
kalan2 tembong imah nyingkur ti batur

sajajalan hate kumecrek
aya oge patempatan sarupa kieu

kapikir beuratna hirup jauh ka cai
marudah teu bisa leukeun tatanen

teu sadar hate ngucap sukur
hirup di lembur sagala gampang sagala sadia

antara johanesberg-cape town
nitenan bumi nu beda
usum nu teu biasa

sapoe jeput jalan lempeng rata bangblas
ti johanesburg ka cape town
ti leuwung beton meulah sagara keusik ka sisi pantey leuwih tumanimah

(Panineungan 2010)