Ngadagoan

Ngajugrug ngadagoan
Ngadon ngojay dina samudra lalamunan
Hate teu sabar hayang guragiru lekasan: di bengkel, bank, di buruan sakola barudak

Ngadadago sapanjang waktu
Hayang geura beres hayang geura cunduk
Waktu ngan dianggap cukang muru ka sisi beulah ditu
Miharep tempat anyar leuwih tumaninah tur merenah
Mateni waktu bihari 

Ngimpikeun isuk leuwih mawa bagja
Padahal can tangtu kitu
Isuk can tangtu cunduk
Ngan ayeuna nu geus nyampak
Kuduna dipupusti dimaksimalkeun(*)