Di Warteg

Ngadon ngopi di jero warteg
suruput..mmmhh
Piring kosong geus diberesan pelayan
Cukup keur ganjel beuteung: kejo satengah, terong balado, tumis jamur, jeung ceplok endog
Jarum jam asa lamban
Truk trek truk trek
Masih dua jam
Nepi ka barudak kaluar sakola
Truk trek truk trek
Di hareup mobil motor merul silih genti lewat muru kasibukan sewangsewangan
Diiringhaleuang dangdut koplo ti bengkel sabeulah
Rebo nu sasari
Pere gawe taya bedana
Truk trek truk trek
Jarum jam kacida malesna
Masih dua jam
Ngalamun dijero warteg
Dibaturan sagelas cikopi(*)