: keur wakil rahayat
pesen keur anjeun:
tong loba seuri
siap-siap ngabangingik
ilikan, buuk geus renung huis
sarangenge mimiti lingsir
nembrakkeun panah panah
katugenah
dosa nu kungsi dikurebkeun
di unggal pengkolan
silih genti narembongan
menta balitungan
anjeun bakal kasedek ka biwir jungrang
taya jalan nyamuni
lengkah kenca-katuhu antukna sarua bae
nganteurkeun anjeun kalebuh
longsor kahirupan(*)
Tidak ada komentar:
Posting Komentar