mun pareng liwat deui
mapay tanjakan jeung pengkolan
nu eta
naha masih aya kolebat anjeun
siga baheula: maledogkeun imut ti pakarangan
buuk disimbut anduk
samping nutupan dada
leungeun tangginas meureut seuseuhan
mun pareng nganjang deui
siga baheula
ba'da magrib malem minggu
naha masih aya darehdeh anjeun
rikat mere bagea
sor mere suguhan
panceg ngabaturan
imut jeung nyiwit tiap dielegan
mun kuring datang deui
naha masih rek sarua
da kapan urang papada geus aya nu boga
ah, tapi hate teu bisa dipapaler
cinta mungguran
moal mungkin kapopohokeun(*)
Tidak ada komentar:
Posting Komentar