hareupeun panto: mandeg mayong
basa anjeun maledogkeun imut
pikiran ngacacang
lunta kamana boa
ah, meureun lindeuk japati
kalan kalan asa endah
mega bodas ngeplak na angen angen
jadi katumbiri: tempat ngalengkah silih puntangan
tapi mindeng kulawu
mega ngumpul jadi ceudeum
kilat jeung beledeg asa dina jajalaneun
soalna meureun rasa
nu lebeng teu kateuleuman
kaheman mekar dipatamanan
tapi lebah gapura aya pananya nganti jawaban:
naha anjeun teh enya pinasti kuring?(*)
Tidak ada komentar:
Posting Komentar